Biyl maýsym-qarasha ailary aralyǵynda ártúrli mekemelerde oqý kýrstary uiymdastyrylady. Atalǵan kýrs Nur-Sultan qalasy ákimdiginiń Tilderdi damytý jáne arhiv isi basqarmasy, «Rýhaniiat» kommýnaldyq memlekettik mekemesi qala ákimdiginiń bekitken «Latyn grafikasynda oqý, jazý daǵdylaryn qalyptastyrý kýrsy» atty jobasy aiasynda júzege asyrylmaq.
Kýrstyń maqsaty - tyńdaýshylarǵa jańa qazaq álipbiiniń qurylymy men sipattamasyn, qazirgi aitylym jáne jazylym normalaryn úiretý.
Qalalyq memlekettik mekemeler men qurylymdyq mekemelerdiń qyzmetkerlerine arnalǵan oqý kýrsy 10 maýsymda «Rýhaniiat» KMM latyn álipbii kabinetinde bastalyp, qazaq tili oqytý kýrsynyń 50 tyńdaýshysy 10-14 maýsym aralyǵynda kýrstan ótti.
Kýrstyń lektorlary - Sh. Shaiahmetov atyndaǵy «Til-qazyna» ulttyq ǵylymi-praktikalyq ortalyǵynan «Jańa emle: qurylymy men mazmuny» atty respýblikalyq trenerler dáris-kýrsynan ótken «Rýhaniiat» KMM mamandary Gúlden Mahmetova men Saǵym Estemisova.
