Elorda kósheleri jańa jyldyń basty atribýttary – shyrshalar, syilyqtar, jańa jyldyq oiynshyqtar jáne girliandalarmen bezendirildi. Qalanyń túrli jerlerinde turǵyndardyń belsendi qysqy demalysyn túrlendiretin syrǵanaqtar men muz aidyndary paida boldy, dep habarlaidy Nur-Sultan ákimdiginiń resmi saity.
Qala turǵyndary arasynda tanymal ashyq alańdarda muz syrǵanaqtary qoiylyp, muz aidyndary tóseldi, bul jerlerde kez kelgen adam syrǵanap, tiýbingter men konkilerdi jalǵa ala alady. Munda siz ystyq shai nemese kofe iship jylyna alasyz.
"Men qysqy oiyn-saýyqqa arnalǵan oiyn-saýyq qyzmetterimen ainalysamyn. Negizinen biz tóbeshikter men syrǵanaýǵa arnalǵan muz aidyndaryn salamyz. Munyń barlyǵy Nur-Sultan qalasynyń turǵyndary men qala qonaqtary úshin jasalýda. Biyl bizde alty buryshty syrǵanaityn tóbeshik bar, sonymen qatar muz aidyny men býblik kross bolady. Munda qaýipsizdik tehnikasyn qadaǵalaityn eriktiler jumys isteidi", - dedi investor Marat Sadyǵaliev.
Biyl elimizdiń basty jańa jyldyq shyrshasy dástúrli túrde EKSPO aýmaǵynda "Nur álem" pavilonynyń janynda ornalasqan.
"Bul Nur-Sultan qalasynyń eń biik jańa jyldyq shyrshasy, onyń biiktigi 25 metr, diametri 10,1 metr jáne qurylymnyń salmaǵy 4048 kg. Biyl Qazaqstan Respýblikasy Táýelsizdiginiń 30 jyldyǵy bolǵandyqtan, biz týymyzdyń tústerinen shabyt aldyq-bul kógildir jáne jyly-aq tús", - dedi dizainer Daria Safonova.
Aita ketý kerek, tek Esil aýdanynyń aýmaǵynda ǵana 4 jańa jyldyq shyrsha ornatyldy: bastysy – EKSPO aýmaǵynda, "Han Shatyr" SOO janyndaǵy alańda, Dostyq kóshesindegi "Kerýen" SOO janynda, sondai-aq Uly Dala jáne Aqmeshit kósheleriniń qiylysynda. Sonymen qatar, shyrshalar demeýshiler esebinen jáne basqa jerlerde ornatylady.
Aýdanda barlyǵy 10 oryn – qysqy demalystyń tartylys oryndar jailastyrylǵan. Olardyń ishinde:
- Ortalyq saiabaq;
- Qazaqstan Respýblikasynyń Tuńǵysh Prezidenti-Elbasy mýzeiiniń janyndaǵy Tuńǵysh Prezident saiabaǵynda;
- EKSPO alańy;
- Han-Shatyr SOO;
- Kerýen SOO;
- Jaǵalaý shaǵyn aýdany;
- Jasyl oram;
- Úrker turǵyn alaby;
- Prigorodnyi turǵyn alaby;
- Botanikalyq baq.
Baiqońyr aýdanynyń aýmaǵynda osy jyly 5 muz qalashyǵy jailastyrylady, onda jańa jyldyq shyrshalar, muz aidyndary, tóbeshikter men shaǵyn sáýlet nysandaryn ornatý kózdelgen.
"Jastar" saraiynyń aýmaǵynda aýdany 400 sharshy metrge jýyq muz aidyny, jasóspirimder úshin biiktigi 6 metr bolatyn tóbeshik jabdyqtalýda. Qalada biiktigi 15 metr bolatyn jańa jyldyq shyrsha ornatylady, onyń janynda Aiaz Ata men Aqshaqar, sondai-aq Santa úii bolady. Sýburqaqtar da jańa jyldyq kiimderin kiedi. Aýmaqta konkiler men tiýbingterdi jalǵa berý pýnkteri, sondai-aq fýdkort jumys isteidi. J. Táshenev kóshesindegi Atatúrik atyndaǵy saiabaq 2 tóbeshikpen jabdyqtalýda. Saiabaqta biiktigi 18 metr bolatyn jańa jyldyq shyrsha, "Snegovik" MAF, Aiaz Ata men Aqshaqardyń beineleri jáne t. b. ornatylǵan.
Budan basqa, jańa jyldyq keiipkerlerdiń músinderi men shyrshalary Abai dańǵylyndaǵy "Jazýshylar" gúlzarynda, Óndiris, Kirpichnyi, Kazgorodok turǵyn alaptarynda ornatylady.
Sondai-aq, qala turǵyndary úshin aýdanda ornalasqan mektepter (№5 gimnaziia, №27, 34, 8, 87 OM) men Kemeńgeruly kóshesi, 8, Jubanov kóshesi, 3 aýlalarynyń aýmaǵynda 7 muz aidyny quiylady.
Almaty aýdanynda "Qazaq eli" monýmentiniń aldyndaǵy alańda, Prezidenttik saiabaqtyń Baitursynov kóshesi jaǵynda, Aqbulaq ózeniniń jaǵalaýynda, Triatlon parkte, Saraishyq shaǵyn aýdanynda,Qoshqarbav kóshesi, 80 turǵyn úileriniń aýmaǵynda, Jeleznodorojnyi, Internatsionalnyi, Michýrino, Kúigenjar turǵyn alaptarynda ornalasqan turǵyn úiler aýdanynda taza aýada belsendi qysqy demalysty ótkizýge jáne muz tóbeshiginen syrǵanaýǵa bolady.
Bul qysqy demalys alańdarynda tiýbingter men konkilerdi jalǵa berý uiymdastyrylady eken.
Sonymen qatar, investordyń qarajaty esebinen "Jeruiyq" saiabaǵynda tóbeshik pen muz aidyny jailastyryldy.
Saryarqa aýdanynda da belsendi demalys ótkizýge bolady, mysaly, Esil ózeniniń jaǵasynda Kenesary han eskertkishinen "Serýen" kópirine deiin 2 qulamadan 5 tóbeshik, Beibitshilik kóshesi, 11, 189 – shy kóshedegi Kóktal saiadaǵynda, sondai-aq Qosshyǵululy men Beisekov kósheleriniń qiylysynda taǵy bes tóbeshik ornatyldy. Jaqyn arada Oqjetpes pen A.Gertsen kósheleriniń qiylysynda tóbeshik, al "Demalys promenad" aýmaǵynda muz aidyny paida bolady.
Bul oryndar saǵat 10.00-den 23.00-ge deiin jumys isteidi.
Osyndai qurylymdar men qurylystar elordanyń barlyq aýdandarynda ornatylǵan. Qalany sondai-aq jańa jyldyń bastalǵany týraly habarlaityn syilyq, saǵat túrindegi kishigirim arhitektýralyq pishinder, girliandalar jáne t.b. bezendirip tur. Túngi ýaqytta shamdar janǵan kezde jańa jyldyq bezendirý qalaǵa erekshe ertegi kórinisin beredi.
