Nur-Sultanda zańsyz syiaqy alý deregi boiynsha QTJ Jol jáne qurylys departamenti direktoryna sot úkimi shyqty, - dep habarlaidy Tengrinews.kz.
2022 jylǵy 10 tamyzda Nur-Sultan qalasy Baiqońyr aýdanynyń № 2 soty zańsyz syiaqy alý deregi boiynsha Jol jáne qurylys departamentiniń direktory T-ǵa qatysty aiyptaý úkimin shyǵarǵan.
"Tergeý barysynda sottalýshy T. departament direktory jáne memlekettik fýnktsiialardy oryndaýǵa ýákilettik berilgen adamdarǵa teńestirile otyryp, óziniń qyzmetin júzege asyrý barysynda tanysy Sh-ny jol distantsiiasynyń basshysy laýazymyna taǵaiyndaý týraly ótinish bildirgen jáne keiinnen oǵan jalpy qamqorlyǵyn kórsetýdi jalǵastyrǵan degen aiyp taǵylǵan.
2018 jylǵy tamyz ben 30 qazan aralyǵynda T. jalpy qamqorlyǵy jáne qyzmet babynda sońǵysynyń múddesinde betimen ketkeni úshin Sh-dan 5 300 000 teńge jalpy somasynda para alǵan (QK-nyń 366-baby 2-bóligi)", - delingen habarlamada.
T. sybailas jemqorlyq qylmys sýbektisine jatpaidy, óitkeni ol memlekettik fýnktsiialardy oryndaýǵa ýákilettik berilgen adamdarǵa teńestirilgen adam emes.
"Sotta T-nyń birneshe ret iri mólsherde zańsyz syiaqy alǵany dáleldengen, sondyqtan onyń áreketteri qylmystyq kodekstiń 247-baby 3-bóligine qaita saralandy. Sottalýshynyń kinási jedel-izdestirý is-sharalary jáne qylmystyq is materialdarymen dáleldengen", - delingen habarlamada.
Úkim taǵaiyndaý kezinde sot jeńildetetin mán-jaidy – jas balalardyń bolýyn eskerdi. Jaýapkershilik pen jazany aýyrlatatyn mán-jailar anyqtalmaǵan.
"Sot T-ny birneshe ret jasalǵan iri mólsherde zańsyz syiaqy alǵany úshin kináli dep tanydy jáne oǵan 1 jylǵa bas bostandyǵynan aiyrý, ekonomikalyq qyzmet salasynda 3 jyl merzimge basshylyq laýazymdardy atqarý quqyǵynan aiyrý jazasy taǵaiyndaldy.
Sot QK-niń 52-babynda kózdelgen talaptardy saqtai otyryp, jaýaptylyqty jeńildetetin mán-jailardy eskere otyryp, QK-niń 55-babynyń 2-bóliginiń 1) tarmaqshasyn qoldanyp, T-nyń jeke basyn, onyń is-áreketinde jasaǵan isine ókinbeýin, qylmys jasaǵanǵa deiin jáne qylmys jasaǵannan keiingi minez-qulqyn nazarǵa ala otyryp, onsha aýyr emes qylmys úshin bas bostandyǵynan aiyrýdyń eń joǵary merziminiń 1/2-nen aspaityn jaza taǵaiyndaýdy kózdedi.
QK-niń 62-babyna sáikes jazany óteý ýaqytyn eseptei otyryp, T-nyń qamaýda bolý merzimi 2021 jylǵy 14 shildeden 2022 jylǵy 10 tamyzǵa deiin sanap, iaǵni eń tómengi qaýipsizdik mekemesinde jazasyn óteýdiń eki kúni úshin qamaýda ustaýdyń bir kúni esebimen sot taǵaiyndalǵan jazany óteldi dep sanaýǵa jáne ony sot zalynan bosatýǵa mindetti", - delingen habarlamada.
Sondai-aq, sottalǵan adamdy ustaý kezinde alynǵan 3 840 000 teńge jáne tabylmaǵan zańsyz syiaqy zaty memleket kirisine tárkilengeni aityldy.
