Elordada kottedj shatyry órtenip, 2 adam qutqaryldy, dep habarlaidy "Ult aqparat".
Nur-Sultan qalalyq tótenshe jaǵdailar departamentiniń málimetinshe, Aqyrtas kóshesi boiyndaǵy úi órtenip jatqany týraly habarlama búgin saǵat 11-42-de túsken. Oqiǵa ornyna jetken mamandar eki qabatty kottedjdiń shatyry órtenip jatqanyn, ekinshi qabat jataqhana bolǵandyǵyn, sonymen qatar ǵimaratqa japsarlas dúken men dámhana salynǵanyn anyqtady. Órt saǵat 12-22-de sóndirildi.
«Órtti sóndirýge jeke quramnan 18 maman jáne 4 tehnika jumyldyryldy. Qyzyl jalyn sharpyǵan aýmaq 150 sharshy metrdi quraidy. Elordalyq órt sóndirýshilerdiń kásibi is áreketteriniń arqasynda órtenip jatqan úiden er adam men áiel qutqaryldy. Olardy jedel járdem qyzmetkerleri tekserdi, jaǵdailary qanaǵattanarlyq. Sondai-aq órt sóndirýshiler 7 gaz ballonyn qaýipsiz jerge shyǵardy», - dedi vedomstvodan.
