Nur-Sultan qalasynyń ákimi Altai Kólginov elordadaǵy Covid-19 jaǵdaiy týraly esep berdi, dep habarlaidy QazAqparat.
«Qazirgi ýaqytta koronavirýs i juqtyrǵan azamattar sany 5 984-ke jetti. Olardyń 54 paiyzy nemese 3 248 adam jazylyp shyqty. Ókinishke qarai, 61 adam qaitys boldy», - dedi qala ákimi Ortalyq kommýnikatsiialar qyzmetinde ótken brifingide.
Onyń aitýynsha, qazirgi ýaqytta infektsiialyq jáne provizorlyq statsionarlar sany kóbeitilip jatyr.
«Prezident tapsyrmasyna sáikes, statsionarlardaǵy oryndar ulǵaityldy. Mysaly, KVI karantini bastalǵan ýaqytta tek qana úsh statsionar bolyp, myńǵa jýyq oryn bolsa, qazirgi ýaqytta biz statsionarlar sanyn 13-ke kóbeittik nemese 3 700-den astam oryn bar. Biraq onyń 87 paiyzy tolǵan. Onda dárigerler azamattardy emdep jatyr», - dedi Altai Kólginov.
