Elordada velosipedti jalǵa berý qyzmetin budan bylai kópbalaly analar men soǵys ardagerleri jeńildikpen paidalana alady, dep habarlaidy "Ult aqparat".
Bul jóninde City Transportation Systems kompaniiasy málimet taratty.
«Elorda velosipedshileri úshin jaqsy jańalyq. 1 shildeden bastap jeńildik ala alatyndar sany kóbeiedi. Endi 50% jeńildikti tek stýdentter, zeinetkerler men erekshe qajettiligi bar adamdarmen qosa, taǵy birqatar sanattar ala alady» dep málim etti kompaniia.
50% jeńildik beriletin azamattar:
- Ekinshi dúniejúzi soǵysy ardagerleri men múgedekteri jáne solarǵa teńestirilgen adamdar;
- Aýǵan soǵysy ardagerleri;
- Kópbalaly analar;
- Kópbalaly otbasylar;
- Erekshe qajettiligi bar balalar, sonyń ishinde ata-anasynyń bireýi (zańdy ókiline);
- Barlyq toptaǵy múgedekter.
Aita ketý kerek, jeńildik tek Nur-Sultan qalasynda tirkelgen jáne turaqty turatyn azamattarǵa beriledi. ⠀
Abonement jeńildikpen birge mynansha turady:
Maýsymdyq - 5 000 tg.
Toqsandyq - 3 000 tg.
Eske sala keteiik, elordalyq velosiped jaldaý qyzmetin 16 jastan bastap paidalanýǵa bolady.
«Kópbalaly otbasylar» sanaty boiynsha jeńildik memlekettik járdemaqy alatyn ata-ananyń bireýine beriledi. Sondai-aq ol CTS jeńildigi bar tulǵalar bazasynda bolýǵa tiis.
