Elordada qazaq tilin tegin úiretetin kýrsqa qabyldaý bastaldy, dep habarlaidy "Ult aqparat".
Qalalyq Tilderdi damytý jáne arhiv isi basqarmasy men «Rýhaniiat» KMM uiymdastyrǵan til kýrstary «QR Til týraly» Zańy jáne QR til saiasatyn iske asyrýdyń 2020-2025 jyldarǵa arnalǵan memlekettik baǵdarlamasy negizinde júrgiziledi.
«Ótken jyly qalamyzdyń 1500-ge tarta turǵynyn bes deńgei boiynsha qazaq tiline úirettik. Olar úshin qalanyń 4 aýdanynda oqý kabinetteri jumys istedi. Kýrs aptasyna úsh retten jyl sońyna deiin jalǵasty. Al, latyn grafikasyna 854 qyzmetker ótinim bildirdi. Olardyń arasynda memlekettik qyzmetkerler, qorǵanys salasy mamandary, BAQ ókilderi bar. Biyl da osy jumystardy júieli atqaramyz», - dedi Tilderdi oqytý jáne ádistemelik jumystar jónindegi bólim basshysy Gúlnar Kamasheva.
Sonymen birge, júzden astam memlekettik qyzmetkerge aǵylshyn tilin meńgertý jáne 1500 adamdy latyn grafikasyna úiretý josparlanǵan. Atalǵan kýrsty joǵary bilimdi til mamandary júrgizedi.
Qala turǵyndary tómende kórsetilgen meken-jailar boiynsha qazaq tili kýrsyna jazyla alady.
Almaty jáne Esil aýdandary – Qoshqarbaev dańǵyly, 50 jáne Qabanbai batyr dańǵ., 8 (213 oqý kabineti);
Almaty jáne Baiqońyr aýdandary – M.Ǵabdýllin kóshesi., 5, 3-qabat (304 oqý kabineti);
Saryarqa, Baiqońyr aýdandary – Respýblika dańǵyly, 42, 3-qabat (7 oqý kabineti).
