11 mamyrdan keiin Nur-Sultan qalasy karantin rejiminde ómir súre beredi, dep habarlaidy "Ult aqparat" elorda ákimdiginiń baspasóz hatshysy Aqmaral Oljabaevaǵa silteme jasap.
«11 mamyr kúni elorda burynǵydai karantin rejiminde ómir súre beredi. Sebebi karantin áli alynǵan joq. Bul degenimiz - ruqsat berilgen kásiporyndar ǵana jumysyn bastaidy. Blokpostar alynbaidy jáne 11 mamyrda qoǵamdyq kólik iske qosylmaidy», - dep málim etti A.Oljabaeva.
Eske salaiyq, Nur-Sultan ákimdiginiń baspasóz hatshysy 11 mamyrdan bastap karantin rejimi jumsartylatyny týraly aqparatty teriske shyǵarǵan bolatyn.
«11 mamyr men 15 maýsym aralyǵynda jumysy qaita bastalatyn mekemeler týraly tarap jatqan aqparat shyndyqqa janaspaidy. Jalǵan aqparatqa senbeýlerińizdi suraimyz. Barlyq jańalyqtar jergilikti atqarýshy organdardyń resmi saittarynda, al memlekettik komissiianyń sheshimi premer-ministrdiń saitynda jariialanady», - dedi ol.
