Qazir elordada jetim balalardy baspanamen qamtamasyz etý kórsetkishi - 4% ǵana. Shymkent pen ShQO-da jetim balalardyń 50%-dan astamy turǵyn úimen qamtamasyz etilgen. Bul týraly Nur-Sultan qalasy máslihatynyń kezekti sessiiasynda aityldy, dep habarlaidy QazAqparat.
«Turǵyn úi basqarmasynyń málimetinshe, 599 turǵyn úidiń 121-i jetim balalarǵa berilgen. Zań turǵysynda alyp qaraǵanda óte durys, biraq jetim balalarǵa adami turǵyda alyp qaraǵanda eepteýdi 2271-den bastaý kerek. Óitkeni qazir elordadaǵy jetim balalaryń baspanamen qamtamasyz etilýi 4% ǵana. Bul kórsetkishti tym bolmaǵanda 15%-ǵa jetkizsek jaqsy bolar edi. Bul másele basqa óńirlerde qalai sheshilip jatqanyn zerttep kórdik. Shymkent pen ShQO-da jetim balalardyń 50%-dan astamy baspanamen qamtamasyz etilgen. Ol úshin ákimdik tarapynan arnaiy keshendi jospar qurylǵan. Bul jumysqa barlyq memlekettik quzyrly organdar jumyldyrylǵan», - deidi Nur-Sultan qalasy máslihatynyń depýtaty Lázzat Razbekova-Tileýhanova.
Onyń aitýynsha, kóptegen mekeme áldebir máselege qatysty suraq qoiylǵanda ol másele olardyń quzyrynda emes ekendigin aitady.
«Mekemeler bul máseleni sheshýdi bir-birine silteitindikten, jetimder máselesi sol kúiinde sheshilmei qalyp otyr. Osy oraida barlyq mekeme birlese jumys istese, nur ústine nur bolar edi. Nur-Sultan qalasynyń bilim basqarmasy, jastar saiasaty basqarmasy, turǵyn úi basqarmasy birigip keshendi jospar qurýy qajet jáne júieli túrde áreket etýi kerek degen usynys aitqym keledi», - deidi ol.
