قازٸر ەلوردادا جەتٸم بالالاردى باسپانامەن قامتاماسىز ەتۋ كٶرسەتكٸشٸ - 4% عانا. شىمكەنت پەن شقو-دا جەتٸم بالالاردىڭ 50%-دان استامى تۇرعىن ٷيمەن قامتاماسىز ەتٸلگەن. بۇل تۋرالى نۇر-سۇلتان قالاسى مەسليحاتىنىڭ كەزەكتٸ سەسسيياسىندا ايتىلدى, دەپ حابارلايدى قازاقپارات.
«تۇرعىن ٷي باسقارماسىنىڭ مەلٸمەتٸنشە, 599 تۇرعىن ٷيدٸڭ 121-ٸ جەتٸم بالالارعا بەرٸلگەن. زاڭ تۇرعىسىندا الىپ قاراعاندا ٶتە دۇرىس, بٸراق جەتٸم بالالارعا ادامي تۇرعىدا الىپ قاراعاندا ەەپتەۋدٸ 2271-دەن باستاۋ كەرەك. ٶيتكەنٸ قازٸر ەلورداداعى جەتٸم بالالارىڭ باسپانامەن قامتاماسىز ەتٸلۋٸ 4% عانا. بۇل كٶرسەتكٸشتٸ تىم بولماعاندا 15%-عا جەتكٸزسەك جاقسى بولار ەدٸ. بۇل مەسەلە باسقا ٶڭٸرلەردە قالاي شەشٸلٸپ جاتقانىن زەرتتەپ كٶردٸك. شىمكەنت پەن شقو-دا جەتٸم بالالاردىڭ 50%-دان استامى باسپانامەن قامتاماسىز ەتٸلگەن. ول ٷشٸن ەكٸمدٸك تاراپىنان ارنايى كەشەندٸ جوسپار قۇرىلعان. بۇل جۇمىسقا بارلىق مەملەكەتتٸك قۇزىرلى ورگاندار جۇمىلدىرىلعان», - دەيدٸ نۇر-سۇلتان قالاسى مەسليحاتىنىڭ دەپۋتاتى لەززات رازبەكوۆا-تٸلەۋحانوۆا.
ونىڭ ايتۋىنشا, كٶپتەگەن مەكەمە ەلدەبٸر مەسەلەگە قاتىستى سۇراق قويىلعاندا ول مەسەلە ولاردىڭ قۇزىرىندا ەمەس ەكەندٸگٸن ايتادى.
«مەكەمەلەر بۇل مەسەلەنٸ شەشۋدٸ بٸر-بٸرٸنە سٸلتەيتٸندٸكتەن, جەتٸمدەر مەسەلەسٸ سول كٷيٸندە شەشٸلمەي قالىپ وتىر. وسى ورايدا بارلىق مەكەمە بٸرلەسە جۇمىس ٸستەسە, نۇر ٷستٸنە نۇر بولار ەدٸ. نۇر-سۇلتان قالاسىنىڭ بٸلٸم باسقارماسى, جاستار ساياساتى باسقارماسى, تۇرعىن ٷي باسقارماسى بٸرٸگٸپ كەشەندٸ جوسپار قۇرۋى قاجەت جەنە جٷيەلٸ تٷردە ەرەكەت ەتۋٸ كەرەك دەگەن ۇسىنىس ايتقىم كەلەدٸ», - دەيدٸ ول.
