Nur-Sultan qalasynyń ákimdigi turǵyndardy karantindik sharalardy saqtaýǵa shaqyrdy, dep habarlaidy "Ult aqparat".
Málim etilgendei, sońǵy aptada elordada syrqattanýshylyq deńgeii aldyńǵy aptadan 76% joǵary boldy. Iaǵni 100 myń turǵynǵa shaqqandaǵy qarqyndy kórsetkish 106,96 qurady. Reprodýktivtik sany — 1,506.
Naýqastar sanynyń artýyna bailanysty elorda 10 naýryzdan bastap epidemiologiialyq jaǵdai boiynsha «qyzyl aimaqqa» endi.
Nur-Sultan qalasynda 22 naýryzdaǵy jaǵdai boiynsha, COVID-19 infektsiiasynyń barlyǵy 28 248 jaǵdaiy tirkeldi, onyń ishinde 17 947 — simptomdy jáne 10301 —simptomsyz.
Bir táýlikte zerthanada rastalǵan 203 jaǵdai tirkeldi: simptomdy - 136, simptomsyz – 67 jaǵdai. Ósim — 0,85%.
Tirkelgen 136 simptomdyq jaǵdaidyń 39-y bailanysta bolǵan adamdar arasynda anyqtaldy, 97-si — óz betimen tekserilgen.
22 naýryz kúni 67 simptomsyz jaǵdai anyqtaldy, onyń ishinde bailanysta bolǵan adamdar arasynda — 53. Bir táýlik ishinde 14 jasqa deiingi balalar arasynda 39 oqiǵa tirkeldi.
Budan bólek, naýqastarmen bailanysta bolǵan 357 adam tizimge alyndy. Indet órship turǵan oshaqtardyń jalpy sany – 1321, onyń ishinde úidegi oshaqtar – 834 (bailanysta bolǵandar sany — 1497), mekemeler sany – 487 (ujymdarda bailanysta bolǵandar — 1917).
Osy rette Nur-Sultan qalasynyń Sanitariialyq-epidemiologiialyq baqylaý departamenti karantindik sharalardy qatań saqtaýdy usynady:
- maska rejimin ustaný;
- adam kóp jinalatyn oryndarǵa barmaý (estelik is-sharalar, týǵan kúnder, mereitoilar, shyǵaryp salý, qudalyq, úilený toilary, betashar jáne basqa da is-sharalar);
- áleýmettik qashyqtyqty saqtaý;
- qoldy sabynmen jii jýý nemese antiseptikpen zararsyzdandyrý.
«Koronavirýs infektsiiasy boiynsha epidemiologiialyq jaǵdaidy eskere otyryp, óz densaýlyǵyńyzǵa jáne jaqyndaryńyzdyń densaýlyǵyna jaýapkershilikpen qaraýdy suraimyz!», - dedi qala ákimdiginen.
