نۇر-سۇلتان قالاسىنىڭ ەكٸمدٸگٸ تۇرعىنداردى كارانتيندٸك شارالاردى ساقتاۋعا شاقىردى, دەپ حابارلايدى "ۇلت اقپارات".
مەلٸم ەتٸلگەندەي, سوڭعى اپتادا ەلوردادا سىرقاتتانۋشىلىق دەڭگەيٸ الدىڭعى اپتادان 76% جوعارى بولدى. ياعني 100 مىڭ تۇرعىنعا شاققانداعى قارقىندى كٶرسەتكٸش 106,96 قۇرادى. رەپرودۋكتيۆتٸك سانى — 1,506.
ناۋقاستار سانىنىڭ ارتۋىنا بايلانىستى ەلوردا 10 ناۋرىزدان باستاپ ەپيدەميولوگييالىق جاعداي بويىنشا «قىزىل ايماققا» ەندٸ.
نۇر-سۇلتان قالاسىندا 22 ناۋرىزداعى جاعداي بويىنشا, COVID-19 ينفەكتسيياسىنىڭ بارلىعى 28 248 جاعدايى تٸركەلدٸ, ونىڭ ٸشٸندە 17 947 — سيمپتومدى جەنە 10301 —سيمپتومسىز.
بٸر تەۋلٸكتە زەرتحانادا راستالعان 203 جاعداي تٸركەلدٸ: سيمپتومدى - 136, سيمپتومسىز – 67 جاعداي. ٶسٸم — 0,85%.
تٸركەلگەن 136 سيمپتومدىق جاعدايدىڭ 39-ى بايلانىستا بولعان ادامدار اراسىندا انىقتالدى, 97-سٸ — ٶز بەتٸمەن تەكسەرٸلگەن.
22 ناۋرىز كٷنٸ 67 سيمپتومسىز جاعداي انىقتالدى, ونىڭ ٸشٸندە بايلانىستا بولعان ادامدار اراسىندا — 53. بٸر تەۋلٸك ٸشٸندە 14 جاسقا دەيٸنگٸ بالالار اراسىندا 39 وقيعا تٸركەلدٸ.
بۇدان بٶلەك, ناۋقاستارمەن بايلانىستا بولعان 357 ادام تٸزٸمگە الىندى. ٸندەت ٶرشٸپ تۇرعان وشاقتاردىڭ جالپى سانى – 1321, ونىڭ ٸشٸندە ٷيدەگٸ وشاقتار – 834 (بايلانىستا بولعاندار سانى — 1497), مەكەمەلەر سانى – 487 (ۇجىمداردا بايلانىستا بولعاندار — 1917).
وسى رەتتە نۇر-سۇلتان قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ كارانتيندٸك شارالاردى قاتاڭ ساقتاۋدى ۇسىنادى:
- ماسكا رەجيمٸن ۇستانۋ;
- ادام كٶپ جينالاتىن ورىندارعا بارماۋ (ەستەلٸك ٸس-شارالار, تۋعان كٷندەر, مەرەيتويلار, شىعارىپ سالۋ, قۇدالىق, ٷيلەنۋ تويلارى, بەتاشار جەنە باسقا دا ٸس-شارالار);
- ەلەۋمەتتٸك قاشىقتىقتى ساقتاۋ;
- قولدى سابىنمەن جيٸ جۋۋ نەمەسە انتيسەپتيكپەن زارارسىزداندىرۋ.
«كوروناۆيرۋس ينفەكتسيياسى بويىنشا ەپيدەميولوگييالىق جاعدايدى ەسكەرە وتىرىپ, ٶز دەنساۋلىعىڭىزعا جەنە جاقىندارىڭىزدىڭ دەنساۋلىعىنا جاۋاپكەرشٸلٸكپەن قاراۋدى سۇرايمىز!», - دەدٸ قالا ەكٸمدٸگٸنەن.
