© Photo : Press-slýjba akima IýKO
Elordada gaz jelisine qosylý qyzmeti úsh esege arzandaidy. Bul týraly "QazaqGaz" ulttyq kompaniiasynyń basshysy Sanjar Járkeshev málimdedi, dep habarlaidy Sputnik Qazaqstan.
Onyń aitýynsha, buǵan deiin gazǵa qosylý jumystaryn "QazTransGaz Aimaq" kompaniiasy atqarǵan.
Al 1 qańtardan bastap osy qyzmet básekelestik ortaǵa berildi. Sóitip, kásipkerler gazdy tartý jumystaryn atqarýǵa kiristi. Biraq baǵa birden sharyqtap ketti.
"Básekelestikti qorǵaý agenttigi básekelestikti qiyndatyp jatyrsyńdar dep, bizge toqtatyp tastady. Qazir olardyń tarapynan túsinistik bar, "QazTransGaz Aimaqtyń" qaitadan osy naryqqa kelip, gazǵa qosylýmen ainalysatynyn qoldap otyr. Sodan baǵa túsedi dep úmittenemiz. Bizdiń qyzmetimizdiń baǵasy – 113 myń teńge", - dedi Járkeshev jýrnalisterge bergen suhbatynda.
Kompaniia basshysynyń sózine qaraǵanda, qazirgi kezde kásipkerler 400-450 myń teńge alady.
Al "QazTransGaz Aimaq" kompaniiasy qaitadan bárin óz qolyna alsa, osy qyzmettiń baǵasy úsh esege tómendeidi.
"Endi, baǵa úsh esege túsedi dep aitýǵa bolady. Qazaqstan boiynsha bekitilgen bir baǵa bolady", - dep atap kórsetti Járkeshev.
