© Photo : پرەسس-سلۋجبا اكيما يۋكو
ەلوردادا گاز جەلٸسٸنە قوسىلۋ قىزمەتٸ ٷش ەسەگە ارزاندايدى. بۇل تۋرالى "QazaqGaz" ۇلتتىق كومپانيياسىنىڭ باسشىسى سانجار جەركەشەۆ مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, بۇعان دەيٸن گازعا قوسىلۋ جۇمىستارىن "قازترانسگاز ايماق" كومپانيياسى اتقارعان.
ال 1 قاڭتاردان باستاپ وسى قىزمەت بەسەكەلەستٸك ورتاعا بەرٸلدٸ. سٶيتٸپ, كەسٸپكەرلەر گازدى تارتۋ جۇمىستارىن اتقارۋعا كٸرٸستٸ. بٸراق باعا بٸردەن شارىقتاپ كەتتٸ.
"بەسەكەلەستٸكتٸ قورعاۋ اگەنتتٸگٸ بەسەكەلەستٸكتٸ قيىنداتىپ جاتىرسىڭدار دەپ, بٸزگە توقتاتىپ تاستادى. قازٸر ولاردىڭ تاراپىنان تٷسٸنٸستٸك بار, "قازترانسگاز ايماقتىڭ" قايتادان وسى نارىققا كەلٸپ, گازعا قوسىلۋمەن اينالىساتىنىن قولداپ وتىر. سودان باعا تٷسەدٸ دەپ ٷمٸتتەنەمٸز. بٸزدٸڭ قىزمەتٸمٸزدٸڭ باعاسى – 113 مىڭ تەڭگە", - دەدٸ جەركەشەۆ جۋرناليستەرگە بەرگەن سۇحباتىندا.
كومپانييا باسشىسىنىڭ سٶزٸنە قاراعاندا, قازٸرگٸ كەزدە كەسٸپكەرلەر 400-450 مىڭ تەڭگە الادى.
ال "قازترانسگاز ايماق" كومپانيياسى قايتادان بەرٸن ٶز قولىنا السا, وسى قىزمەتتٸڭ باعاسى ٷش ەسەگە تٶمەندەيدٸ.
"ەندٸ, باعا ٷش ەسەگە تٷسەدٸ دەپ ايتۋعا بولادى. قازاقستان بويىنشا بەكٸتٸلگەن بٸر باعا بولادى", - دەپ اتاپ كٶرسەتتٸ جەركەشەۆ.
