2019 jyldyń 30 maýsymy men 6 shildesi aralyǵynda Nur-Sultan qalasynda XV Halyqaralyq «Eýraziia» kinofestivali ótedi, dep habarlaidy "Ult aqparat".
«Eýraziia» kinofestivaliniń baspasóz qyzmeti taratqan aqparatqa sáikes, kinoforýmnyń konkýrstyq baǵdarlamasy dástúrli túrde onyń negizgi tujyrymdamasyn aiqyn kórsetedi. Ol - Shyǵys pen Batys arasynda kinematografiialyq kópir ornatý.
«Eýraziia-2019» kinofestivaliniń negizgi baiqaýyna Qytai, Frantsiia, Resei, Makedoniia, Italiia, Filippin, Izrail, Ýkraina, Avstraliia kartinalary endi. Qysqametrajdy filmder baiqaýyna Tájikstan, Ońtústik Koreia, Belarýs, Iran, Ózbekstan, Japoniia jáne taǵy basqa elder qatysady. Sonymen birge, eki baiqaýǵa da otandyq týyndylar usynylǵan.
Festivaldiń konkýrstan tys baǵdarlamalary da bar. Olar: «Obektiv», «Erekshe oqiǵa», «NETPAC tańdaýy». Al «Eýraziia júreginen» baǵdarlamasynda otandyq ártúrli janrda túsirilgen on kartina usynylatyn bolady.
«Eýraziia» HKF - bul Kinoprodiýserler qaýymdastyǵynyń halyqaralyq federatsiiasy (FIAPF) akkredittegen Ortalyq Aziiadaǵy eń iri kinoforým. Kinofestivaldiń uiymdastyrýshysy - «Ulttyq kinony qoldaý memlekettik ortalyǵy» KEAQ.
