Nur-Sultan qalasynda ekinshi aýysymdaǵy mektep oqýshylary men kolledj stýdentterine sabaq bolmaidy, dep habarlaidy qalalyq Bilim basqarmasy.
«23 qańtar kúni aýa raiynyń buzylýyna bailanysty qala mektepterinde ekinshi aýysymdaǵy 0-11 (12) synyp oqýshylary jáne kolledjderdiń 1-2 kýrs stýdentteri oqymaidy», - delingen habarlamada.
Aita keteiik, elordada birinshi aýysymdaǵy 1-11 synyptar men kolledjderdiń 1-2 kýrs stýdentteri úshin oqý protsesi toqtatylǵan bolatyn. Sondai-aq, qalaǵa irgeles Aqmola oblysynda bastaýysh synyp oqýshylary mektepke barmady.
Sinoptikter 22-24 qańtar kúnderi bas qalada aýa raiy buzylatyny jóninde eskertken bolatyn.
Nur-Sultan qalalyq Politsiia departamenti júrgizýshilerdi jolda abai bolýǵa shaqyrdy.
