Nur-Sultandaǵy arnaiy mobildik toptar eki kúnde 36 tártip buzý faktisin tirkedi, dep habarlaidy "Ult aqparat" Nur-Sultan qalasynyń Politsiia departamentine silteme jasap.
Sońǵy eki kúnde politseiler, epidemiologtar, volonterler men jergilikti atqarýshy organ ókilderinen quralǵan mobildik toptar Nur-Sultan qalasynda 36 tártip buzý oqiǵasyn tirkedi. Olardyń 13-i maska taǵý men áleýmettik qashyqtyqty saqtamaý syndy mindetti ereje bolsa, 23-i tyiym salynǵan ýaqytta da jumysyn jalǵastyrǵan kásipkerlerge qatysty.
Materialdar densaýlyq saqtaý jergilikti atqarýshy organy – taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi.
Politseiler oiyn-saýyq nysandaryna, qoǵamdyq tamaqtaný oryndary, saýna, monsha, attraktsiondarǵa baryp, karantin erejelerin túsindirip, tártip buzý faktilerin anyqtaidy.
26 shilde kúni túngi 02:18-de Mailin kóshesinde kelýshilerdi qabyldap jatqan kafeni anyqtaǵan. Barda bi alańynda kóńil kóterip júrgen 37 klient bolǵan. Olar stól basynda áleýmettik qashyqtyqty saqtamai, bas sanitariia dárigeriniń qaýlysyn buzǵan.
Sonymen qatar tekseris barysynda Beisekov kóshesinde avtokólik jóndeýmen ainalysyp jatqan Tehnikalyq qyzmet kórsetý ornynyń ákimshiligi tarapynan tártip buzý faktisi tirkeldi.
27 shilde kúni qatań karantin sharalarynyń buzylýyna jol bermeý maqsatynda aýdandyq basqarma qyzmetkerleri men aýdan ákimdiginiń ókilderi jáne Taýarlar men kórsetiletin qyzmetterdiń sapasy men qaýipsizdigin baqylaý basqarmasy ókilderimen birlesip Mustafin kóshesindegi qonaqúi kesheniniń jumysy jalǵasyp jatqanyn anyqtady. Tekserý barysynda kafede 12 adam bolǵan.
Jinalǵan materialdar QR ÁQBK 425-baby boiynsha ákimshilik jaýapqa tartý úshin Taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi.
Nur-Sultan qalasynyń Politsiia departamenti azamattardy qoǵamdyq oryndardaǵy erejege jaýapkershilikpen qarap, sanitariia talaptaryn oryndaýǵa shaqyrady. Koronavirýs taralyp ketpes úshin politseiler azamattarǵa karantin tártibin saqtaý men jeke qorǵanys quraldaryn taǵýdyń mańyzdylyǵy týraly túsindirme jumystaryn júrgizip jatyr.
