Nur-Sultan qalasynyń bas memlekettik sanitarlyq dárigeri Sarhat Beisenova koronavirýs infektsiiasyn juqtyrǵan naýqastardyń jas mólsherin aityp berdi, dep habarlaidy "Ult aqparat".
«Burynǵydai kóbinese 30-39 jastaǵy adamdar basym aýyrady, olar 24,8% quraidy. 50 jastan asqan adamdar – 23,5 % bolsa, balalardyń jalpy syrqattanýshylyqtaǵy úlesi – 14,9% quraidy. Jumys isteitinder aýrý juqtyrýǵa anaǵurlym beiim bolady, olar jalpy syrqattanýshylyqtyń 48% alady. Bul ujymdarda epidemiiaǵa qarsy is-sharalardyń saqtalmaitynyn kýálandyrady», - dedi S. Beisenova elorda ákimdiginde ótken onlain brifingte.
Qazirgi ýaqytta tirkelgen 857 úi oshaǵy bar, onda naýqastarmen qarym qatynasta bolǵan 2 161 adam meditsinalyq baqylaýda.
Aita keteiik, elordada COVID-19 aýrýy qańtar aiymen salystyrǵanda 33,8%-ǵa tómendedi. Táýligine shamamen 68 infektsiia jaǵdaiy tirkeledi, onyń ishinde 37 jaǵdai simptomdy, 31-i simptomsyz túrde.
