نۇر-سۇلتان قالاسىنىڭ باس مەملەكەتتٸك سانيتارلىق دەرٸگەرٸ سارحات بەيسەنوۆا كوروناۆيرۋس ينفەكتسيياسىن جۇقتىرعان ناۋقاستاردىڭ جاس مٶلشەرٸن ايتىپ بەردٸ, دەپ حابارلايدى "ۇلت اقپارات".
«بۇرىنعىداي كٶبٸنەسە 30-39 جاستاعى ادامدار باسىم اۋىرادى, ولار 24,8% قۇرايدى. 50 جاستان اسقان ادامدار – 23,5 % بولسا, بالالاردىڭ جالپى سىرقاتتانۋشىلىقتاعى ٷلەسٸ – 14,9% قۇرايدى. جۇمىس ٸستەيتٸندەر اۋرۋ جۇقتىرۋعا اناعۇرلىم بەيٸم بولادى, ولار جالپى سىرقاتتانۋشىلىقتىڭ 48% الادى. بۇل ۇجىمداردا ەپيدەميياعا قارسى ٸس-شارالاردىڭ ساقتالمايتىنىن كۋەلاندىرادى», - دەدٸ س. بەيسەنوۆا ەلوردا ەكٸمدٸگٸندە ٶتكەن ونلاين بريفينگتە.
قازٸرگٸ ۋاقىتتا تٸركەلگەن 857 ٷي وشاعى بار, وندا ناۋقاستارمەن قارىم قاتىناستا بولعان 2 161 ادام مەديتسينالىق باقىلاۋدا.
ايتا كەتەيٸك, ەلوردادا COVID-19 اۋرۋى قاڭتار ايىمەن سالىستىرعاندا 33,8%-عا تٶمەندەدٸ. تەۋلٸگٸنە شامامەن 68 ينفەكتسييا جاعدايى تٸركەلەدٸ, ونىڭ ٸشٸندە 37 جاعداي سيمپتومدى, 31-ٸ سيمپتومسىز تٷردە.
