Nur-Sultan qalasynda eki er adamnyń birge spirttik ishimdik ishýi pyshaqtasýmen aiaqtaldy, dep habarlaidy "Ult aqparat".
«Nur-Sultan qalasynyń politsiia departamenti Almaty aýdany politsiia basqarmasynyń qyzmetkerleri qurylys nysanynda tanysymen birge spirttik ishimdikter iship otyrǵan elordanyń 32 jastaǵy turǵynyn ustady. Er adamdardyń araǵy taýsylyp, dúkennen taǵy ishimdik almaq bolǵan. Jolda aralarynda janjal shyǵyp, saldarynan er adam 31 jastaǵy jábirlenýshiniń ish qýysyna pyshaq jaraqatyn salǵan. Jedel-izdeý sharalaryn ótkizý kezinde politseiler qalanyń buryn sottalǵan 32 jastaǵy turǵynyn ustady. Kúdikti óz kinásin moiyndady», - dep baiandady politsiiada.
Vedomstvonyń málimetinshe, aiǵaq dálelder alyndy. Ustalǵan er adam ýaqytsha ustaý oqshaýlaǵyshyna qamaldy. Qylmystyq is qozǵaldy.
