20 sáýir men 5 mamyr aralyǵynda Nur-Sultan qalasynyń oń jaǵalaýyndaǵy birneshe kóshe jol jóndeý jumystaryna bailanysty jabylady, dep habarlady elorda ákimdiginiń resmi saity.
Nur-Sultan qalasynyń kólik jáne jol-kólik infraqurylymyn damytý bólimi men qalalyq politsiia departamentiniń ákimshilik politsiia basqarmasy birlesip, Sátpaev kóshesi boiymen B.Momyshulynan Muńaitpasovqa deiin, Bógenbai batyr dańǵyly boiymen Saryarqa dańǵylynan Sh.Ýálihanov kóshesine deiin jóndeý jumystaryn josparlap otyr.
"20 sáýir men 5 mamyr aralyǵynda atalǵan ýchaskede kólik qozǵalysy jartylai jabylady. Jol tósemin jóndeý jáne irgeles aýmaqty abattandyrý jumystary júrgiziledi", – delingen habarlamada.
Elorda turǵyndary men qala qonaqtary jol keptelisterin boldyrmaý úshin jol qozǵalysyn aldyn ala josparlaýy qajet.
Aita keteiik, Nur-Sultan qalasynda biyl 150 kóshe jóndeledi dep josparlanýda. Jóndeletin kóshelerdiń jalpy uzyndyǵy 100 shaqyrymdy quraidy.
