Nur-Sultan qalasy Investistitsiialar jáne kásipkerlikti damytý basqarmasynyń basshysy Erlan Bekmyrzaev qaladaǵy azyq-túlik qory týraly aityp berdi, dep habarlaidy "Ult aqparat".
«Azyq-túlikpen qamtamasyz etý boiynsha búgin tańerteń qala ákimimen birge saýda jáne azyq-túlik ortalyqtaryn aralap, olardyń úzdiksiz jumys istep jatqanyn kórdik. Búgingi tańda qalada azyq-túlik ónimderiniń shamamen bir ailyq normada jetkilikti kólemi bar. Bul azyq-túlik jetkizýdiń ádettegi kestesine sáikes keledi», - dedi spiker qala ákimdiginde ótken onlain-brifingte.
Sonymen birge, spiker azyq-túlik pen negizgi qajettilikter baǵanyń kóterilmeýi mańyzdy ekenin atap ótti.
«Kókónis boiynsha áleýmettik-kásipkerlik korporatsiialardyń jetkizýshilerimen 1,3 mlrd teńgege ónim jetkizý kelisimi bar. Bul qarajat jergilikti biýdjetten turaqtandyrý qoryna bólingen. Ótken jyly biz 8 tonna un satyp aldyq, bul – bir jyl boiy nanmen qamtamasyz etýge jetedi. Bul ónimder barlyq iri saýda jelileri men bazarlarda satylatyn bolady», - dedi Erlan Bekmyrzaev.
Buǵan deiin basqarma basshysy karantin kezinde jumysyn toqtatpaǵan meiramhanalardyń jaýapqa tartylǵanyn habarlaǵan edi.
