Elordada aldaǵy bes jyl ishinde 50 mektep salynady. Bul týraly Nur-Sultan qalasynyń ákimi Altai Kólginov halyqqa esep berý kezdesýinde aitty, dep habarlaidy "Ult aqparat".
«Halyq sany kóbeigen saiyn bala sany kóbeiedi. Endi mektepter sanyn kóbeitýimiz kerek. Qazirgi ýaqytta qalada úsh aýysymdy 8 mektep bar. 14 mektepte oqýshylar shamadan tys kóp. Bul bilim sapasyna da áser etedi jáne muǵalimderge de salmaq túsiredi», - deidi Altai Kólginov.
Ol bul máseleler qalai sheshimin tabatyny týraly aitty.
«Ótken jyly elordada 5 myń oryndyq 6 mektep ashtyq. Ol úsh aýysymdy mektep máselesin sheshti. Biraq áli de 8 úsh aýysymdy mektep bar. Biyl ótken jyldan eki ese kóp mektep ashamyz. Ótken jyly qurylysy bastalǵan 10 myń oryndyq mektepter biyl aiaqtalady. Bul da jaǵdaidy jeńildetedi, biraq báribir mektepter jetkiliksiz. Sol sebepti bizdiń keshendi damý josparymyzda bes jyl ishinde az degende 50 mektep salý josparlanǵan. Tek biýdjetke qarap otyra bermei, jeke investitsiialardy da tartýdamyz. Óitkeni Nur-Sultan qalasynda investitsiia jasaýǵa qolaily jaǵdai jasalǵan», - deidi ol.
