Bilim jáne ǵylym ministrligi "Astana" ýniversitetine júrgizilgen tekseristiń nátijesin jariialady, dep habarlaidy Sputnik Qazaqstan.
"Jospardan tys tekseristiń nátijesinde bilim berý uiymynda qoldanystaǵy talaptarǵa sáikes kelmegen máseleler anyqtaldy. Ýniversitetke qabyldaý erejeleri, stýdentterdi aýystyrý jáne qaita qabyldaý tártibi, emtihan ótkizý jáne emtihan sessiiasynyń qorytyndysy boiynsha qujattar júrgizý tártibi buzylǵan, sonymen qatar aralyq baqylaý júrgizý kezinde akademiialyq saiasat saqtalmaǵan", - delingen ministrliktiń resmi habarlamasynda.
Tekserý kezinde ákimshilik is qozǵaldy. Sonyń negizinde aiyppul salý jáne ýniversitettiń litsenziian toqtatý týraly sheshim shyǵaryldy. Qaýly áli zańdy kúshine engen joq.
"Sonymen qatar, ýniversitetke 2019 jyldyń 1 qyrkúiegine deiin anyqtalǵan barlyq buzýshylyqtardy joiý týraly nusqama berildi. Nusqama oryndalmaǵan jaǵdaida is sotqa jiberiledi", - deidi ministrlik ókilderi.
Aita keteiik, mundai tekseris Shymkent qalasynyń aimaqtyq áleýmettik-innovatsiialyq ýniversitetinde ótkizilgen bolatyn. Joǵary oqý oryndaryna qoiylatyn 78 talaptyń 63 talaptyń buzylǵany anyqtaldy. Atap aitqanda, sabaqqa is júzinde qatyspaǵan stýdentter synaq-emtihan sessiiasyna jiberilgen. Olar ýniversitetke aqy tólep, sessiiaǵa joldama aldy.
Sondai-aq, osy joǵary oqý orny ministrlikke túlekterdiń jumysqa ornalasý deńgeii týraly jalǵan málimet bergen. Mysaly, ótken jyly ýniversitet túlekteriniń jumysqa ornalasý deńgeii 34,4% bolǵan. Al ýniversitettiń resmi esepterinde kórsetkishti 71,3% dep jazylǵan.
