Elordadaǵy Nursultan Nazarbaev Halyqaralyq áýejaiynyń mańynda №12 qoǵamdyq kólikten órt shyqty, – dep habarlaidy "Ult aqparat".
«Búgin tańerteńgi saǵat 9-da halyqaralyq áýejaidyń vokzal mańyndaǵy aýmaǵynda №12 avtobýstan órt shyqty. Qazirgi ýaqytta órttiń shyǵý sebebi anyqtalyp jatyr. Zardap shekkender joq», - dep jazady Facebook paraqshasynda «Astana LRT» kompaniiasynyń baspasóz hatshysy Naýat Azanbaeva.
Kompaniianyń baspasóz hatshysy atalmysh oqiǵanyń mán-jaiy jýyq arada habarlanatynyn jetkizdi.
Birer minýttan keiin habar bergen Naýat Azanbaevanyń aitýynsha, júrgizýshi «syrt» etken dybysty estigen. Osydan keiin avtobýsta órt lap ete túsken.
«Júrgizýshi óz kúshimen tilsiz jaýdy aýyzdyqtamaq bolǵan. Alaida ol qolynan kelmepti. Osydan keiin ol órt sóndirý qyzmetin shaqyrǵan. Oqiǵa ornyna avtobýstan órttiń nelikten shyqqanyn anyqtaý úshin arnaiy laboratoriia mamandary jiberildi», - deidi Naýat Azanbaeva.
