Nur-Sultanda arnaiy jospar qurylyp, qaladan shyǵatyn joldarǵa beketter ornatylyp, asa aýyr qylmys jasaǵan kúdiktini ustaýǵa qatysty istiń egjei-tegjeii belgili boldy, - dep habarlaidy "Ult aqparat" Tengrinews.kz agenttigine silteme jasap.
Elordalyq Politsiia departamenti málimetinshe, qaladaǵy páterlerdiń birinde eki adam óltirilgen.
"16 qyrkúiekte saǵat 10.00-de "102" arnasyna páterden 26 jastaǵy áiel men 68 jastaǵy er adamnyń máiiti tabylǵany týraly habarlama kelip tústi. Bul fakt boiynsha politsiia qyzmetkerleri jedel-izdestirý sharalar keshenin júrgizdi. Marqum áielmen buryn birge turǵan 34 jastaǵy er adam kúdikke ilindi.
Juptar arasynda janjal týyndap, kúdikti ony pyshaqtap tastaǵany anyqtaldy. Áieldi qorǵap, janjalǵa aralasqan 68 jastaǵy úi iesi de jaraqat alǵan. Keiin ol qylmys ornynan izin sýytqan.
Fakt boiynsha QR QK-nyń 99-baby boiynsha qylmystyq is qozǵaldy, tergeý júrgizilip jatyr. Kúdikti Nur-Sultan qalasynyń ýaqytsha ustaý izoliatoryna qamaldy", - delingen ministrliktiń baspasóz habarlamasynda.
