نۇر-سۇلتاندا ارنايى جوسپار قۇرىلىپ, قالادان شىعاتىن جولدارعا بەكەتتەر ورناتىلىپ, اسا اۋىر قىلمىس جاساعان كٷدٸكتٸنٸ ۇستاۋعا قاتىستى ٸستٸڭ ەگجەي-تەگجەيٸ بەلگٸلٸ بولدى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
ەلوردالىق پوليتسييا دەپارتامەنتٸ مەلٸمەتٸنشە, قالاداعى پەتەرلەردٸڭ بٸرٸندە ەكٸ ادام ٶلتٸرٸلگەن.
"16 قىركٷيەكتە ساعات 10.00-دە "102" ارناسىنا پەتەردەن 26 جاستاعى ەيەل مەن 68 جاستاعى ەر ادامنىڭ مەيٸتٸ تابىلعانى تۋرالى حابارلاما كەلٸپ تٷستٸ. بۇل فاكت بويىنشا پوليتسييا قىزمەتكەرلەرٸ جەدەل-ٸزدەستٸرۋ شارالار كەشەنٸن جٷرگٸزدٸ. مارقۇم ەيەلمەن بۇرىن بٸرگە تۇرعان 34 جاستاعى ەر ادام كٷدٸككە ٸلٸندٸ.
جۇپتار اراسىندا جانجال تۋىنداپ, كٷدٸكتٸ ونى پىشاقتاپ تاستاعانى انىقتالدى. ەيەلدٸ قورعاپ, جانجالعا ارالاسقان 68 جاستاعى ٷي يەسٸ دە جاراقات العان. كەيٸن ول قىلمىس ورنىنان ٸزٸن سۋىتقان.
فاكت بويىنشا قر قك-نىڭ 99-بابى بويىنشا قىلمىستىق ٸس قوزعالدى, تەرگەۋ جٷرگٸزٸلٸپ جاتىر. كٷدٸكتٸ نۇر-سۇلتان قالاسىنىڭ ۋاقىتشا ۇستاۋ يزولياتورىنا قامالدى", - دەلٸنگەن مينيسترلٸكتٸڭ باسپاسٶز حابارلاماسىندا.
