Elordada áleýmettik mańyzy bar taýarlardyń baǵasyna monitoring júrgizilýde, dep habarlaidy "Ult aqparat".
Qala ákimdiginen málim etkendei, qysqy maýsymda áleýmettik mańyzy bar taýarlar baǵasyn turaqtandyrý jáne baǵa ósiminiń aldyn alý maqsatynda Nur-Sultan qalasynyń Investitsiialar jáne kásipkerlikti damytý basqarmasy únemi baqylaý júrgizip otyr.
Máselen, «Astyqjan» jáne «KeńMart» saýda ortalyqtaryna monitoring júrgizilip, ondaǵy kartop pen sábizdiń baǵasy bir kelisi úshin (bólshek saýda) 78 teńgeden, piiaz – 73 teńgeden, qyryqqabat 93 teńgeden saýdalanyp jatqany belgilendi.
«Bul baǵalar «Sharyn», «Alash» sekildi iri bazarlardyń ortasha kóterme baǵasyna sáikes keledi. Atalǵan baǵyttaǵy jumystar jalǵasýda jáne basqarma baqylaýyna alynǵan», - dedi ákimdikten.
