Nur-Sultan qalasynda on dezinfektsiialyq keshen ornatylatyn bolady, dep habarlaidy "Ult aqparat" qala ákimdiginiń resmi saityna silteme jasap.
Nur-Sultan qalasy ákimdiginiń bastamasymen №3 kópbeiindi balalar aýrýhanasynda qaladaǵy alǵashqy dezinfektsiialyq keshen paida boldy. Budan bylai dárigerler men meditsina qyzmetkerleri jumysqa kiriserden buryn osy tonnel arqyly ótetin bolady.
«Qondyrǵy bý generatorlarynyń kómegimen jumys isteidi. Dezinfektsiialaý quraldary bar bý shyǵaratyn arnaiy motorlar bar. Bul keshen arqyly ótý kiimniń bar qyrtysyndaǵy qaýipti patogenderdi joiýǵa múmkindik beredi. Qondyrǵyny meditsina qyzmetkerleri kúnine eki ret – jumysqa shyqqanda jáne aýysym aiaqtalǵan soń paidalanady. Naýqastarda osy keshen arqyly óte alady», – deidi Nur-Sultan qalalyq №3 kópbeiindi qalalyq balalar aýrýhanasynyń direktory Iran Shametekov.
Sonymen qatar, jaqyn arada basqa meditsina mekemelerinde jáne adam kóp jinalatyn oryndarda osyndai dezinfektsiialyq tonnelder ornatylady.
