Nur-Sultanda Abai Qunanbaiulynyń 177 jyldyǵyna arnalǵan kórme ashyldy. Qala turǵyndary aqynnyń poetikalyq jáne filosofiialyq murasyn, abaitanýshy ǵalymdardyń eńbekterin jáne uly oishyldyń shyǵarmalarynyń aýdarmalaryn oqydy, dep habarlaidy qala ákimdiginiń resmi saity.
Kórmege aqynnyń 50-den astam kitaby qoiyldy.
«Abaidyń ádebi eńbekteri ylǵi da dúken men kitaphana sóreleriniń tórinde ornalasady. Aqynnyń shyǵarmalary Qazaqstannan tys jerlerde de tanymal. Bul jerden qundy kitaptardy tabýǵa bolady. Arasynda Anatolii Kim aýdarǵan aqynnyń «Qara sózderi», Muhtar Áýezovtiń «Abai joly» romany, Teimýr Ataevtyń «Abaidyń ulylyǵy nemese XXI ǵasyrdaǵy oishyldyń portretin jasaýǵa talpynys», Qulmat Ómirálievtiń «Abai aforizmi», Dúkenbai Dosjannyń «Abaidyń rýhy» sekildi kitaptar bar. Oqyrmandar osy jáne ózge de kitaptardy kitaphana zalynda otyryp oqýǵa nemese ózimen birge úiine alyp ketýine bolady. Bizdiń kitaphanashylar kún saiyn áleýmettik jelilerde post jazyp, jańa basylymdar týraly habardar etedi», – dedi kitaphanashy Anar Ákimbekova.
Sonymen qatar oqýshylar kórmede óleń oqyp, án shyrqady, al jurtshylyq Abaidyń shyǵarmashylyq jolynyń basty kezeńderi týraly bilimin arttyrdy.
«Men «Segizaiaq» óleńin oqydym, onda avtor adamnyń boiyndaǵy jaman qasietterdi áshkereleidi. Abaidyń shyǵarmashylyǵyn zertteýden lázzat alamyn. Onda adamnyń ózin-ózi damytý týraly tereń oilar qamtylǵan. Sondai-aq aqynnyń filosofiialyq shyǵarmalarynda alǵa umtylý, Otanǵa degen súiispenshilik dáripteledi», - dep qorytyndylady mektep oqýshysy Aiǵanym Satan.
