Búgin elordada halyqty ataýly áleýmettik kómekpen barynsha qamtý maqsatynda azamattardyń ótinishterin qabyldaý bastaldy, dep habarlaidy qala ákiminiń baspasóz qyzmeti.
Qujattardy qabyldaý Almaty, Baiqońyr, Esil, Saryarqa aýdandarynyń ákimdikterinde, Halyqty Jumyspen qamtý ortalyǵynda, «Januia» otbasyn institýtyn qoldaý ortalyǵynda iske asady. Sapaly kózqarasty qamtamasyz etý maqsatynda azamattardy qabyldaý alfavittik tártipte ótýde. Sondai-aq, ataýly áleýmettik kómek ótinish berilgen aiynan bastap, ótinish berilgen kúnine qaramastan taǵaiyndalatyndyǵyn atap ótken jón. Iaǵni, ótinish 20 qańtarda nemese aidyń sońǵy kúninde tapsyrylsa, onda tólem tolyq ai boiy tólenedi. Qujat tapsyrýshy azamattar ótinish, sáikestendirý úshin jeke kýálikti usyný qajet. Sondai-aq, AÁK-ti taǵaiyndaý úshin turǵylyqty jerińizde turaqty nemese keminde 6 ai ýaqytsha tirkeý bolý kerek. Esterińizge salsaq, ataýly áleýmettik kómektiń mólsheri burynǵydai otbasynyń jan basyna shaqqandaǵy ortasha kirisi men otbasynyń ár múshesi úshin kúnkóris deńgeiiniń (KD) 70% arasyndaǵy aiyrmashylyqty quraidy (2020 jyldyń 1-shi toqsanyna KD – 34 654 teńge, kedeilik shegi – 22 258 teńge).
