Sýburqaqtar maýsymynyń jalpy qalalyq ashylýy 1 mamyrda ótti, dep habarlaidy elorda ákimdiginiń resmi saity.
Nur-Sultan turǵyndary jumys istep turǵan sýburqaqtardy qalanyń barlyq aýdandarynan kóre alady. 73 sýburqaqtyń barlyǵy qajetti daiyndyqtan ótken. Sýburqaqtardyń kóbi, iaǵni 48-i Esil aýdanynda ornalasqan. Onyń barlyǵyna qaita tazartý, elektr sorǵylaryn qaita qaraý, sý astyndaǵy jaryqtandyrý shamdary jáne sabyndy eritindilermen tazartý júrgizilgen.
Nurjol býlvary, EKSPO-2017, «Jetisý» saiabaǵy men Botanikalyq baqta ornalasqan tórt sýburqaqtyń mýzykasyn baptaý júrgizildi. Baiqońyr aýdanyndaǵy sýburqaqtar jóndep, qalpyna keltirildi. Jalpy alǵanda, bul aýdanda 4 sýburqaq bar. Onyń ishinde bireýi Esil saýda úiiniń mańynda ornalassa, qalǵany «Jastar» Saraiynyń aýmaǵynda.
Saryarqa aýdanynda 11 sýburqaq bar: «Aqjaiyq» sýburqaǵy – Bógenbai batyr jáne Jeńis kóshesiniń qiylysy, «Ómir aǵashy» sýburqaǵy – Abai – Jeńis, «Kazaq drama teatry» sýburqaǵy – Omarov, «Fýtbol oiynshylary» sýburqaǵy – Jeńis – Kenesary, Fontandardyń kaskady – Respýblika – Omarov, «Jastar» teatryndaǵy sýburqaq, «Áliia» sýburqaǵy – Moldaǵulova – Jeńis, «Atyraý» sýburqaǵy– Beibitshilik – Esenberlin, M.Áýezov jáne Máskeý kóshesiniń alańyndaǵy sýburqaq – Respýblika – Máskeý, Abai dańǵyly boiyndaǵy sýburqaq – Abai dańǵyly 27, «Saryarqa» sýburqaǵy– Saryarqa aýdany ákimdigi.
Almaty aýdanynda on sýburqaq bar. Olar «Qazaq Eli» alańynda, Táýelsizdik saraiynda, Hazret Sultan meshitinde, «Otan Qorǵaýshylar» monýmentinde, Prezidenttik park kesheninde (Piramidanyń artynda), Beibitshilik jáne kelisim saraiynyń aldynda, «Qazaqstan» sport kesheninde, B.Momyshuly atyndaǵy saiabaqta, Oqýshylar saraiynyń janynda ornalasqan.
