«Qazgidromet» RMK ekologiialyq monitoring stantsiialary 2020 jylǵy 6-7 jeltoqsan kúnderi Nur-Sultan qalasynda aýadaǵy lastaýshy zattardyń shekti-ruqsat etilgen normadan (ShRSh) asyp ketý jaǵdailaryn tirkedi.
Kásiporyn taratqan málimetterge qaraǵanda, ShRSh «asyp ketýi» 6 jeltoqsan saǵat 19.00-den bastap tirkeldi:
1) RM-2,5 ólshengen bólshekter boiynsha: 5,2 ShRSh-ǵa deiin asyp ketýdiń 246 jaǵdaiy;
2) RM-10 ólshengen bólshekter boiynsha: 2,2 ShRSh-ǵa deiin asyp ketýdiń 161 jaǵdaiy;
3) Kómirtegi oksidi: 1,8 ShRSh-ǵa deiin asyp ketýdiń 55 jaǵdaiy;
4) Kúkirtsýtegi: 2,5 ShRSh-ǵa deiin asyp ketýdiń 55 jaǵdaiy;
5) Kúkirt dioksidi: 1,1 ShRSh-ǵa deiin asyp ketýdiń 3 jaǵdaiy;
6) Azot oksidi: 1,2 ShRSh deńgeiinde asyp ketýdiń 1 jaǵdaiy tikeldi.
Atmosferalyq aýanyń lastanýy barlyq baqylaý beketteri boiynsha baiqaldy. Eń joǵary lastaný Kóktal-1 aýdandarynda, Turan dańǵyly men Túrkistan kóshesinde tirkeldi.
2020 jylǵy 7 jeltoqsanda elordanyń aýa raiyna antitsiklon áser etedi. Aýa raiy negizinen jaýyn-shashynsyz, 24-28ºS-qa deiin birqalypty aiaz bolyp, tuman baiqalady. Mundai aýa raiy jaǵdailary joǵary qysym aimaǵyna tán – jel turmaidy, aýa salqyn bolady, azdaǵan bult torlaidy. Atmosferanyń joǵarǵy qabatynda aýa massalarynyń aralaspaýy tumannyń paida bolýyna áser etedi.
2020 jylǵy 6 jeltoqsan kúni 13 saǵat 55 minýtta 7 jeltoqsanda Nur-Sultanda kei ýaqytta tuman túsetini týraly eskertý jariialanǵan bolatyn.
«Mundai meteorologiialyq jaǵdailar (aiaz – 25 gradýs jáne jelsiz aýa raiy) qalanyń jeke sektoryn jylytýdan shyǵatyn lastaýshy zattardyń aýada jinalýyna yqpal etti. Nátijesinde qalyń tútin paida boldy», - delingen habarlamada.
