Elordada ekpe salý qarasha aiynyń basyna deiin jalǵasady, dep habarlaidy ákimdiktiń resmi saity.
Búgin tańda Nur-Sultan qalalyq Qoǵamdyq densaýlyq saqtaý basqarmasynyń basshysy Timýr Muratov emhanaǵa baryp, tumaýǵa qarsy ekpe saldyrdy. Basqarmasy basshysy ekpeniń maýsymdyq aýrýlardyń órshýi kezindegi mańyzdylyǵyn da atap ótti.
«Vaktsinatsiia - aýrýdyń aýyr sipaty men onyń keń taralýyn eskere otyryp, tumaýdan qorǵaýdyń eń qisyndy ádisi. Sonymen qatar, qazir osy kezeń úshin standartty aýrýlardyń (sýyq tiiý, tumaý) qozdyrǵyshy bolýy múmkin koronavirýs infektsiiasy kezeńinde vaktsinatsiia óte mańyzdy! Barshańyzdy vaktsina alýǵa jáne óz densaýlyǵyńyzǵa jaýapty bolýǵa shaqyramyn!» - dedi Timýr Muratov qala turǵyndaryna.
Eske sala keteiik, elordalyq qoǵamdyq densaýlyq saqtaý basqarmasy ekpeniń 110 myń dozasyn satyp alǵan bolatyn. Ol halyqtyń belgili bir toby úshin tegin júrgiziledi. Atap aitqanda: sozylmaly aýrýlary bar 18 jasqa deiingi balalarǵa, meditsina qyzmetkerlerine, júkti áielderge (júktiliktiń 2-3-shi trimestri), jabyq mekemelerdegi adamdarǵa (balalar úii, sábiler úii, mektep internaty), múgedekterge (eresekter men sozylmaly aýrýlary bar balalar); 60 jastan asqan qarttarǵa.
Nur-Sultanda vaktsinalaý bastalǵannan beri 24,6 myń adam tumaýǵa qarsy ekpe aldy. Olardyń 6300-i balalar, onyń ishinde 211 adam sábiler úilerinde, balalar úilerinde, mektep-internattarda, múgedek balalarǵa arnalǵan internattarda. Ekpe alǵan eresekter sany 14 myń adamnan asty.
Elordada ekpe salý qarasha aiyna deiin jalǵasady.
