Elordada iývenaldy politsiianyń ýchaskelik inspektorlary mektep tabaldyryǵyn attap kórmegen jasóspirimderi anyqtady, dep habarlaidy "Ult aqparat" qalalyq Politsiia departamentine silteme jasap.
«Turmys» jedel-aldyn alý sharasy aiasynda Saryarqa aýdandyq politsiia bóliminiń ýchaskelik inspektory ózine júktelgen aýmaqty tekserý barysynda uzaq ýaqyt boiy qujattary bolmaǵan otbasyn anyqtaǵan.
«38 jastaǵy áiel - 11,14 jáne 15 jastaǵy kámeletke tolmaǵan úsh balanyń anasy, olar Nur-Sultan qalasyna eki ai buryn kóship kelgen. Kóship kelgenge deiin, olar Qostanai oblysynda turǵan. Áiel óziniń qujaty joqtyǵynan balalary týǵanda da olarǵa kýálik almaǵan. Tekserý barysynda iývenaldy politsiia inspektorlary úsh balanyń da mektepke múldem barmaǵanyn jáne týý týraly kýáligi bolmaǵanyn anyqtady», - delingen Nur-Sultan qalalyq Politsiia departamentiniń habarlamasynda.
Politsiia inspektorynyń aitýynsha, áiel óz balalaryn tárbieleýden jaltaryp, olarǵa tiisti kóńil bólmegen.
Aýdandyq iývenaldy politsiia inspektory Nur-Sultan qalasynyń bilim basqarmasymen birlesip, úsh balany meditsinalyq tekserýden ótkizdi jáne mektepke ornalastyrdy. Olarǵa psihologiialyq kómek kórsetilip jatyr. «Qorǵaý-Astana» jeke qorynyń qoldaýymen jaqynda jasóspirimder alǵashqy qujattaryn alady.
Politsiia qyzmetkerleri bul otbasymen profilaktikalyq jumystar júrgizýde.
Nur-Sultan qalasy Politsiia departamenti Iývenaldyq politsiia bóliminiń bastyǵy Nelli Dosjanovanyń sózinshe, balalardyń anasy kámeletke tolmaǵan balalardyń quqyqtary men múddelerin qorǵaý, tárbieleý jáne oqytý mindetterin oryndamaǵany úshin ákimshilik jaýapkershilikke tartyldy.
