Elordada 4 650 meditsina qyzmetkeri men 1 799 muǵalimge vaktsina salyndy. Bul týraly Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratov aityp berdi, dep habarlaidy QazAqparat.
Halyqty koronavirýs infektsiiasyna qarsy vaktsinalaý jalǵasýda. Búgingi kúni 9 988 adam vaktsinatsiiadan ótti, onyń ishinde: 4 650 meditsina qyzmetkeri, 1 799 muǵalim bar. Ekpe alǵannan keiin densaýlyqtyń nasharlaý jaǵdailary bolǵan joq», - dedi T. Muratov elorda ákimdiginde ótken onlain brifingte.
Alǵashqy meditsinalyq-sanitarlyq kómek kórsetýdiń 36 uiymynda birinshi jáne ekinshi komponentterge arnalǵan 2 vaktsinatsiia bólmeleri, vaktsinatsiiadan keiin patsientti baqylaýǵa arnalǵan kútý bólmeleri turaqty jumys isteidi.
«Barlyq emhanalarda tońazytqysh qondyrǵylary, vaktsinalardy qoimadan ekpe salý mekemesine tasymaldaýǵa arnalǵan termiialyq konteinerler bar. Vaktsinalar barlyq sanitariialyq-epidemiologiialyq talaptarǵa sai saqtalady», - deidi T. Muratov.
Buǵan deiin Timýr Muratov elordadaǵy epidemiologiialyq jaǵdaidy shilde aiyndaǵy aýyr kezeńge teńegen edi.
Koronavirýs infektsiiasy naýqastarynyń ósimi Naýryz meiramynan keiin baiqaldy. Astanalyq dárigerler men barlyq meditsinalyq qyzmetkerler qaitadan eki ese júktemede jumys istep jatyr.
KVI-men kúresý úshin 11 statsionar uiymdastyryldy, onyń ishinde 10 infektsiialyq, bir karantindik statsionar («Ramada Plaza» qonaq úii bazasynda) bar. Qosymsha úsh uiymnyń bazasynda 300 infektsiialyq tósek-oryn ashylýy múmkin.
