ەلوردادا 4 650 مەديتسينا قىزمەتكەرٸ مەن 1 799 مۇعالٸمگە ۆاكتسينا سالىندى. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتىپ بەردٸ, دەپ حابارلايدى قازاقپارات.
حالىقتى كوروناۆيرۋس ينفەكتسيياسىنا قارسى ۆاكتسينالاۋ جالعاسۋدا. بٷگٸنگٸ كٷنٸ 9 988 ادام ۆاكتسيناتسييادان ٶتتٸ, ونىڭ ٸشٸندە: 4 650 مەديتسينا قىزمەتكەرٸ, 1 799 مۇعالٸم بار. ەكپە العاننان كەيٸن دەنساۋلىقتىڭ ناشارلاۋ جاعدايلارى بولعان جوق», - دەدٸ ت. مۇراتوۆ ەلوردا ەكٸمدٸگٸندە ٶتكەن ونلاين بريفينگتە.
العاشقى مەديتسينالىق-سانيتارلىق كٶمەك كٶرسەتۋدٸڭ 36 ۇيىمىندا بٸرٸنشٸ جەنە ەكٸنشٸ كومپونەنتتەرگە ارنالعان 2 ۆاكتسيناتسييا بٶلمەلەرٸ, ۆاكتسيناتسييادان كەيٸن پاتسيەنتتٸ باقىلاۋعا ارنالعان كٷتۋ بٶلمەلەرٸ تۇراقتى جۇمىس ٸستەيدٸ.
«بارلىق ەمحانالاردا توڭازىتقىش قوندىرعىلارى, ۆاكتسينالاردى قويمادان ەكپە سالۋ مەكەمەسٸنە تاسىمالداۋعا ارنالعان تەرمييالىق كونتەينەرلەر بار. ۆاكتسينالار بارلىق سانيتارييالىق-ەپيدەميولوگييالىق تالاپتارعا ساي ساقتالادى», - دەيدٸ ت. مۇراتوۆ.
بۇعان دەيٸن تيمۋر مۇراتوۆ ەلورداداعى ەپيدەميولوگييالىق جاعدايدى شٸلدە ايىنداعى اۋىر كەزەڭگە تەڭەگەن ەدٸ.
كوروناۆيرۋس ينفەكتسيياسى ناۋقاستارىنىڭ ٶسٸمٸ ناۋرىز مەيرامىنان كەيٸن بايقالدى. استانالىق دەرٸگەرلەر مەن بارلىق مەديتسينالىق قىزمەتكەرلەر قايتادان ەكٸ ەسە جٷكتەمەدە جۇمىس ٸستەپ جاتىر.
كۆي-مەن كٷرەسۋ ٷشٸن 11 ستاتسيونار ۇيىمداستىرىلدى, ونىڭ ٸشٸندە 10 ينفەكتسييالىق, بٸر كارانتيندٸك ستاتسيونار («Ramada Plaza» قوناق ٷيٸ بازاسىندا) بار. قوسىمشا ٷش ۇيىمنىڭ بازاسىندا 300 ينفەكتسييالىق تٶسەك-ورىن اشىلۋى مٷمكٸن.
