Foto:elements.envato.com
10-qabattyń terezesinen qulap ketken qyz úide ájesimen bolǵan. Nur-Sultan qalasynyń Politsiia departamenti oqiǵanyń mán-jaiyn aitty, - dep habarlaidy Tengrinews.kz.
Tártip saqshylarynyń aitýynsha, 31 shildede Esil aýdandyq politsiia bóliminiń kezekshi bólimine Qabanbai batyr dańǵylyndaǵy turǵyn úidiń 10-qabatynan kámeletke tolmaǵan bala qulap ketkeni týraly habarlama túsken.
"Oqiǵa ornyna jedel-tergeý toby jetkennen keiin 4 jasar qyz saǵat 16.30 shamasynda bólmesinde jalǵyz qalyp, sonda oinap otyrǵany anyqtaldy", - dedi PD baspasóz qyzmetindegiler.
Politseiler málimetinshe, jyl basynan beri elordada osyndai 32 oqiǵa tirkelip, tórteýi qaza bolǵan. Politseiler eresekterdi qarapaiym qaýipsizdik erejelerin saqtaýǵa shaqyrady.
"Balalardy eshqashan qaraýsyz qaldyrmańyz, balalardyń ashyq turǵan tereze mańynda oinaýyna jol bermeńiz. Tereze tutqalaryn alyp tastańyz nemese arnaiy qulyp paidalanyńyz", - dedi politsiia ókilderi.
Eske salaiyq, Nur-Sultandaǵy turǵyn úidiń 10-qabatynan qulap ketken bes jasar qyzdy sol jerden ótip bara jatqan er adam qaǵyp alýǵa tyrysqan. Osylaisha ol qyzdyń jeńil qulaýyna sebepshi bolǵan.
