Qazaqstandyqtar Aleksandr Nedovesov jáne Dmitrii Popko juptyq synda elordada ótip jatqan Forte Challenger 125 týrniriniń shirek finalyna shyqty, dep habarlaidy QazAqparat.
Aleksandr Nedovesov serbiialyq Viktor Troitskimen birge reseilikter Ian Bondarevskii – Alibek Kochmazovpen kúsh synasty.
Qazaqstandyq-serbiialyq juptyń aiqyn basymdylyǵymen ótken báseke 6:0, 6:1 esebimen aiaqtaldy.
Dmitrii Popko grýziialyq Aleksandr Metrevelimen birge qarsylastary, japoniialyq Tattsýma Ito – ulybritaniialyq Raian Peniston kortqa shyqpaǵandyqtan, shirek finalǵa
joldama aldy.
A.Nedovesov – V.Troitski jáne D.Popko – A.Metreveli juptary ózara kezdesip, qai jeńgeni jartylai finalǵa ótedi.
Jekelei synda Qazaqstannan eshkim qalǵan joq. Timofei Skatov ekinshi ainalymda aýstriialyq Sebastian Ofnermen sheberlik baiqasyp, 3:6, 6:7 (4:7) esebimen jeńilip qaldy.
Sóitip ol shirek finalǵa óte almady.
Búgin T.Skatov fin Otto Virtanenmen birge juptyqtsynda reseilikter Bogdan Bobrov – Evgenii Donskoimen kortqa shyǵady.
