Sanitarlyq-epidemiologiialyq baqylaý komitetiniń resmi ókili Nur-Sultanda epidemiologiialyq jaǵdaiǵa bailanysty "sary" aimaqqa qandai shekteý sharalary engiziletinin aitty, - dep habarlaidy Tengrinews.kz.
Nur-Sultan qalasynda "omikron" jáne "stels-omikron" shtamdarynyń jalǵasýyna bailanysty qaladaǵy epidemiologiia jaǵdaiy kúrdelene tústi. Bir táýlik ishinde jańa jaǵdailar sany 642-ge jetti. Osylaisha, epidemiologiia jaǵdaiyn baǵalaýdyń jańa matritsasy boiynsha statsionarǵa jatqyzylǵandardyń kórsetkishi negizinde 21 shildede qala "sary" aimaqqa ótti.
"Nur-Sultannyń turǵyndary arasynda koronavirýstyq infektsiiamen syrqattaný jaǵdailaryn tirkeýdi ulǵaitýdy jáne epidemiologiialyq jaǵdaidy baǵalaý matritsasyna sáikes ortasha táýekel aimaǵyna ("sary" aimaqqa) kóshýdi eskere otyryp, Nur-Sultan bas sanitariia dárigeri mynadai shekteý sharalaryn qabyldaidy:
- naýqaspen jaqyn bailanysta bolǵan adamdardy qashyqtyqtan jumys túrine aýystyrý;
- COVID-19 vaktsinatsiiasyna absoliýtti qarsy kórsetilimderi bar qyzmetkerlerdi jáne júkti áielderdi qashyqtyqtan jumys isteýge aýystyrý;
- adamdar kóp jinalatyn oryndarǵa (saýda-oiyn-saýyq ortalyqtary, saýda úileri, jabyq bazarlar, rontsert zaldary, teatrlar, kinoteatrlar, stadiondar jáne basqa da sport ǵimarattary jáne t. b.) barǵan kezde jáne qalalyq qoǵamdyq kólikte jol júrgen kezde, sondai-aq 5 jasqa deiingi balalardy qospaǵanda betperde kiiý usynylady;
- 10-nan astam adamnyń qatysýymen ótetin jinalystardy onlain formatqa aýystyrý usynyldy", - dedi Baitanaev.
Osyǵan bailanysty astanalyq Sanitariialyq-epidemiologiialyq baqylaý departamenti turǵyndardy asa qajetsiz jaǵdaida adamdar kóp jinalatyn oryndarǵa barmaýǵa, barlyq shekteý usynystaryn oryndaýǵa shaqyrady.
"Vaktsinatsiia jáne revaktsinatsiia infektsiiadan jalǵyz qorǵanys bolyp qala bermek. Sondyqtan biz vaktsinatsiia men revaktsinatsiiadan ótý arqyly ǵana aýrýdyń ósýine qarsy tura alamyz!Ýaqyttan keshiktirmei, koronavirýsqa qarsy vaktsinatsiia alyńyz! Ózińizdiń jáne jaqyndaryńyzdyń densaýlyǵyna qaýip tóndirmeńiz", - dedi Sanitarlyq-epidemiologiialyq baqylaý komitetiniń resmi ókili.
