Kásipkerlerdiń quqyqtary men zańmen qorǵalatyn múddelerin tiimdi qorǵaýdy qamtamasyz etý prokýratýra organdary qyzmetiniń basym baǵyty bolyp tabylady.
Bul jumys ýákiletti memlekettik organdarǵa qatysty tekserýler júrgizý jáne olardyń qyzmetin taldaý arqyly júzege asyrylady.
Jedel sharalardyń biri - kásipkerlerdiń quqyqtary men zańdy múddeleriniń ártúrli buzýshylyqtaryn turaqty negizde anyqtaityn arnaiy mobildi toptar qurý.
Nur-Sultan qalasynyń prokýratýrasy aǵymdaǵy jyldyń ótken kezeńinde 600-dan astam biznes sýbektileriniń quqyqtary men zańdy múddelerin qorǵady.
Mysaly, mobildik topqa kásipkerge qatysty memlekettik kirister organymen zańsyz tekserýi týraly signaly qabyldandy. Nátijesimen ótinish berýshiniń ýájderi rastalyp, zańsyz tekserý toqtatyldy.
Basqa jaǵdaida mobildi toppen biznes sýbektisine qatysty zańsyz qozǵalǵan qylmystyq isti toqtatý boiynsha sharalar qabyldandy.
Qoldanystaǵy zańnamany buzýdyń jarqyn mysaldarynyń biri retinde memlekettik organmen memlekettik satyp alý sharttarynyń kómegimen 258 biznes sýbektisine qatysty tekserý júrgizýge ózine tán emes ókilettikter berý faktisin jatqyzýǵa bolady. Qadaǵalaý aktisiniń nátijesimen sharttardyń erejeleri ózgertilip, atalǵan quqyq alynyp tastaldy.
Sondai-aq elordalyq prokýratýramen keibir memlekettik organdardyń biznes sýbektilerine qatysty tekserý taǵaiyndaý týraly aktisiz, qujattardy talap etý boiynsha zańsyz tájiribesiniń de joly kesildi.
Qurmetti kásipkerler, eger siz zańsyz tekserýlerge nemese sizdiń qyzmetińizge aralasýǵa nemese memlekettik organdar tarapynan ózge de qysymǵa tap bolsańyz, onda 71-24-45, 8-747-216-15-58 telefondary arqyly habarlasýyńyzǵa bolady.
