5 shildeden bastap elordalyq politsiia qyzmetkerleri kúshetilgen jumys rejimine kóshedi. "Ult aqparat" bul týraly Politsiia departamentine silteme jasap habarlaidy.
Politseiler turǵyndarǵa túsindirý jumystaryn júrgizip, karantin rejimin qadaǵalaidy. Tártip buzýshylarǵa qoldanystaǵy zańnamaǵa sáikes, sharalar qabyldanatyn bolady.
Sonymen qatar, politsiia qyzmetkerleri daýys zoraitqysh arqyly da túsindirý júrgizedi.
«Daýys zoraitqyshty qoldaný - azamattarǵa qoldanystaǵy erejeler men shekteýlerdi saqtaý qanshalyqty mańyzdy ekenin túsinýge múmkindik beredi dep esepteimiz. Qala turǵyndary karantin erejelerin qatań saqtaýy jáne barlyq qaýipsizdik sharalaryn ustanýy tiis. Infektsiianyń taralýyna jol bermeý kerek. Óz densaýlyǵyńyz ben jaqyndaryńyzdyń densaýlyǵy týraly oilanyńyz», - dep atap ótti politsiia departamentinen.
Patrýldeý baǵyttary barlyq ýchaskelerdi qamti alatyndai etip qurylǵan. Politsiia qyzmetkerleri barlyq turǵyn úiler aýlasy men adamdar kóp jinalatyn jerlerdi aralaityn bolady.
Eske salaiyq, Qazaqstanda koronavirýsqa qatysty epidemiologiialyq ahýaldyń órshýine bailanysty biylǵy 5 shildeden bastap 14 kúnge qatań shekteý sharalary engiziledi. Karantin odan ári uzartylýy nemese kúsheitilýi múmkin.
