Foto: Tengrinews.kz/Turar Qazanǵapov
Nur-Sultanda "Arqar" kópirindegi jol tósemin jóndeý jumystary bastaldy. Soǵan bailanysty 15 tamyz ben 5 qyrkúiek aralyǵynda kópir ishinara jabylady, - dep habarlaidy Tengrinews.kz agenttigi Kólik jáne jol infraqurylymyn damytý basqarmasyna silteme jasap.
Jóndeý jumystaryna bailanysty kópirdiń eki bóligin jabý josparlanyp otyrǵany habarlandy:
- 15 tamyz ben 24 tamyz aralyǵynda – Máńgilik El dańǵyly men Saraishyq kóshesi qiylysyndaǵy jolairyqtan (Qoshqarbaev kóshesi baǵytynda) Qoshqarbaev dańǵylyna deiin;
- 24 tamyz ben 5 qyrkúiek aralyǵynda – Máńgilik El dańǵyly men Saraishyq kóshesi qiylysyndaǵy jolairyqtan (Qoshqarbaev kóshesi baǵytynda) Saraishyq kóshesine deiin.
Qala turǵyndary men qonaqtaryna jol júrý baǵytyn aldyn ala josparlaýǵa keńes beriledi.
