Nur-Sultan turǵyndary úshin turǵyn úi salasynda qyzmet kórsetetin biryńǵai ortalyq ashyldy. Mundai ortalyqtardyń ashylýy jumysty júielendirýge jáne «bir tereze» qaǵidaty boiynsha qyzmet kórsetýge múmkindik beredi. Bul týraly Nur-Sultan qalasynyń ákimi Altai Kólginov Instagram-paraqshasynda jazdy, dep habarlaidy "Ult aqparat".
«Nur-Sultanda turǵyn úi salasynda qyzmet kórsetetin biryńǵai ortalyq ashyldy! (Respýblika dańǵyly, 32). Bul ortalyqta turǵyn úige kezekke turý, kezek nómirin tekserý, turǵyn úi baǵdarlamalaryna qatysý, turǵyn úi sertifikatyn alý, kredittik/jalǵa beriletin páterler boiynsha jáne taǵy da basqa máselelerge qatysty keńes alýǵa bolady.
Bul ortalyq qala turǵyndary úshin yńǵaily. Sebebi olar turǵyn úi máseleleri boiynsha qalanyń ár aýdanynda ornalasqan instantsiialarǵa barmai-aq bir jerden keńes ala alady», - dep jazdy A.Kólginov.
Sondai-aq Ortalyqta «Turǵyn úi qurylys jinaq bankiniń» keńesshileri de jumys atqarady. Bólingen aýmaqtyń jalpy aýdany 2 myń sharshy metrden asady.. Kún saiyn ortalyq 300-den astam qala turǵynyn qabyldaidy.
«Memleket basshysynyń tapsyrmasyna sáikes biyl qoljetimdi áleýmettik turǵyn úi qurylysynyń kólemi úsh ese artty.
Mundai ortalyqtardyń ashylýy jumysty júielendirýge jáne «bir tereze« qaǵidaty boiynsha qyzmet kórsetýge múmkindik beredi. Ótken jyldyń jazynda «Januia« otbasy institýtyn qoldaý ortalyǵy ashyldy, onda mamandar qala turǵyndaryna áleýmettik máseleler boiynsha keńes beredi. Osy ýaqyt ishinde ortalyqqa 40 myńǵa jýyq adam júginip, kómek aldy», - dedi elorda ákimi.
