Elordadaǵy QR Ishki ister ministrligi ǵimaraty janynda áiel óz-ózin órtep jiberdi, dep habarlaidy QazAqparat Nur-Sultan qalasy politsiia departamentiniń baspasóz qyzmetine silteme jasap.
«11 sáýir kúni saǵat 16:38-de «102» pýltine QR ishki ister ministrligi ǵimaratynyń janynda birneshe áiel ózin-ózi órtegeli jatqany týraly habarlama kelip tústi. Oqiǵa ornyna politsiia qyzmetkerleri men «Almaty» aýdany ákimdiginiń ókili keldi. Narazylyq bildirýshiler Almaty qalasynda bolǵan qylmystyq iske qatysty shara qabyldaýdan bas tartqan jaǵdaida óz-ózderin órteimiz dep málimdedi», - delingen habarlamada.
Qalalyq departamenttiń málimetinshe, politsiia qyzmetkerleri jinalǵandarǵa jaǵdaidy túsindirýge tyrysqan.
«Sol sátte uiymdastyrýshylardyń biri ózine suiyqtyq shasha bastaǵan. Óz kezeginde ýchaskelik politsiia inspektory áiel ózin órteýge jol bermeý úshin jedel áreket etti. Degenmen órt áieldi sharpyp úlgerdi. Zardap shegýshige alǵashqy meditsinalyq kómek kórsetilip, aýrýhanaǵa jatqyzyldy. Sonymen qatar politsiia qyzmetkeri de qolyn kúidirdi», - deidi baspasóz qyzmeti.
Atalǵan fakti boiynsha QR QK 105-baby boiynsha sotqa deiingi tergeý bastaldy.
