«Nur-Sultan ákimi Altai Kólginov qala mektepterine muǵalimder jetispeitinin aitty, dep habarlaidy "Ult aqparat".
«Muǵalimder tapshylyǵy bar. Qala turǵyndarynyń sany artyp kele jatyr, iaǵni jyl saiyn ósim bar. Sáikesinshe, mektepke baratyn bala sany da artyp keledi. Sondyqtan bul salada birshama júkteme bar», - dedi elorda ákimi «Astana» telearnasyna bergen suhbatynda.
Onyń sózine qaraǵanda, 22 mektep shamadan tys tolyǵyp otyr, al 8 mektep úsh aýysymda.
«Qazirgi kezde bizde kem degende 500 muǵalim jetispeidi. Sonymen qatar dárigerler tapshylyǵy bar, byltyr 400 dáriger jetispegen edi. Koronavirýs bul tapshylyqty ýshyqtyryp jiberdi. Barsha álem osy daǵdarysty eńserip jatyr», - A. Kólginov.
