«Qazgidromettiń» qysqa merzimdi boljamdar basqarmasynyń basshysy Alýa Sahanova qańtar aiyndaǵy klimat týraly aityp berdi, – dep habarlaidy QazAqparat.
«Aldaǵy táýlikterde, iaǵni 29-30 qańtarda soltústik-batys antitsiklonnyń kelýi kútilýde. Osynyń saldarynan kún sýytyp, qardyń túsýi toqtaidy. Aýa temperatýrasy qańtar aiyndaǵy qalypty deńgeide bolady, túnde soltústikte, shyǵysta jáne ortalyqta minýs 20-30 gradýsqa deiin tómendeidi», - dedi A. Sahanova Ortalyq kommýnikatsiialar qyzmetindegi baspasóz máslihatynda.
Alaida temperatýranyń osy deńgeide tómen bolýy uzaqqa sozylmaidy.
«Atlantikalyq tsiklon Reseidiń eýropalyq aýmaǵyna shyǵýǵa jaqyndady. Osyǵan bailanysty jyly aýa bizdiń batys óńirlerge jylji bastaidy», - dedi spiker.
Onyń sózine qaraǵanda, qańtar aiynyń basynan beri elordada 49 millimetr jaýyn-shashyn túsken, al bir aidaǵy norma 16 millimetr. Iaǵni bul kórsetkish úsh aidyń normasyn qamtyp tur.
