Sybailas jemqorlyqqa qarsy qyzmet Nur-Sultan qalasynyń Mádeniet jáne sport basqarmasynyń basshysyna qatysty sotqa deiingi tergeý júrgizýde. Bul týraly QR Sybailas jemqorlyqqa qarsy is-qimyl agenttiginiń jedel-tergeý qyzmetiniń nátijeleri týraly ótken onlain brifingte aityldy, dep habarlaidy "Ult aqparat".
«Ol «Naýryz meiramy-2020» merekesin toilaýǵa orai jalpy somasy 195 million teńgege is-sharalar ótkizý boiynsha qyzmetter kórsetýge arnalǵan memlekettik satyp alý týraly jasalǵan kelisimshart boiynsha qamqorlyq kórsetý úshin 10 million teńge kóleminde para aldy degen kúdikke ilindi», - dep málim etti QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov.
Onyń aitýynsha, tergeý sotynyń sanktsiiasymen kúdiktige qatysty qamaýda ustaý túrindegi bultartpaý sharasy qoldanyldy. Tergeý jalǵasýda.
