Astanada epidemiologiialyq ahýaldyń ýshyǵýyna bailanysty qalalyq aýrýhanalar infektsiialyq rejimge aýystyrylyp jatyr, dep habarlaidy "Ult aqparat".
Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratov ákimdiktiń onlain brifingisinde osyndai málimet berdi.
«Aýrýdyń ósýine bailanysty qalalyq aýrýhanalardy infektsiialyq retinde qaita beiimdeýge jáne ázirge kúndizgi statsionardyń jumysyn, josparly emdeýge jatqyzýdy toqtatýǵa týra keledi. Osylaisha, basqa meditsinalyq klinikalarda túrli profilder boiynsha naýqastardy aýrýhanaǵa jatqyzý júktemesi sezinedi», - dedi Timýr Muratov.
Onyń sózine qaraǵanda, atalǵan jaittardyń bári qalada koronavirýs infektsiiasymen aýyratyndardyń sany kún saiyn artyp kele jatqanyn kórsetedi.
«Biz tósek sanyn kóbeitýge jáne adami resýrstardy ulǵaitýǵa májbúrmiz. Ótken táýlikte 333 adam jatqyzyldy.Bar infektsiialyq tósek-orynnyń 1 006-sy ǵana bos, onyń ishinde 62 reanimatsiialyq tósek-oryn. Jansaqtaý bóliminde 230 naýqas, KVI-men – 203 adam. Óte aýyr hálde – 70 naýqas, al 47 adam ókpeni jasandy jeldetý aparatynda jatyr», - dedi basqarma basshysy.
