Prezidenttiń Teleradiokesheni Nur-Sultan qalasynyń (ol kezdegi ataýy – Aqmola) 1996 jyly biiktikten túsirilgen ekskliýzivti kadrlaryn jariialady, dep habarlaidy QazAqparat.
Tikushaqtan túsirilgen videoda Esildi qaptaldai jaiǵasqan qalanyń sol kezdegi kelbeti kórinis tapqan. Kóshelerde jasyl jelektiń úlesi basym bolǵanymen, eń biik ǵimarat óndiris oshaǵynyń munaraly tútigi bolǵanyn kórýge bolady. Sovet zamanynyń tiptik sáýlet stilin eske salatyn qalanyń qaq ortasynda kólshikter kóp bolǵany da ańǵarylady.
Eske salsaq, Qazaqstannyń astanasyn Almatyda sol kezdegi Aqmolaǵa kóshirý týraly sheshim táýelsizdiktiń alǵashqy jyldarynda-aq qabyldanǵan bolatyn. Sol kezde eldi basqarǵan Nursultan Nazarbaevtyń bul bastamasyn QR Joǵarǵy Keńesi 1994 jyly 6 shildede maquldady. Astanany resmi kóshirý 1997 jylǵy 10 jeltoqsanda iske asty.
Qalanyń aty 1998 jyldyń 6 mamyrynda Prezident Jarlyǵymen Astana bolyp ózgertilse, 2019 jylǵy 23 naýryzda taǵy bir Prezident jarlyǵymen Nur-Sultan dep ataldy.
Resmi málimet boiynsha, qazir elordada 1 millionnan astam turǵyn bar.
